ازاى تستخرج جواز سفر مصرى

 ازاى تستخرج جواز سفر مصرى

الأوراق المطلوبه لأستخراج جواز سفر لأول مره هى 

1- استماره نموذج 29 جوازات (ديه هتخدها من الجوازات)

2-بطاقه الرقم القومى لو عمرك اكبر من 16 سنه ( لازم تكون ساريه) لوسنك اقل من 16 سنه يبقى شهادة الميلاد

3- المؤهل (طبعا لو مكتوب فى البطاقه يبقى تمام لو مش مكتوب يبقى تجيب مايفيد انك معاك المؤهل سواء كان عالى او متوسط 

طيب لو مفيش مؤهل بتدفع 400 جنيه لصالح مصلحة الجوازات وبتستردهم عند اغاء او انتهاء الباسبور 

ولو طالب هتجيب اثبات قيد من مكان دراستك ولو ذكر يرفق فيها قرار تأجيلك من التجنيد

4- عدد 3 صوره شخصيه مقاس 4*6 والخلفيه تكون بيضاء

5- الموقف من التجنيد للذكور لو كنت فوق ال19 سنه لازم تقدم مايثبت موقفك التجنيدى زى (شهادة اداء الخدمه العسكريه او            الاعفاء او تاجيل )

6- أثبات الحاله الاجتماعيه للأناث 

لو كنتى متجوزه واسم الزوج مش موجود فى بطاقتك الشخصيه يبق لازم قسيمة الزواج وصوره منها

7- الرسوم المطلوبه لو اول مره335 لو تجديد او بدل فاقد 485 

مدة استلام الباسبور بعد تقديم الاوراق المطلوبه من 3الى 4 أيام 

صلاحية الباسبور 7 سنوات من تاريخ اصداره